Peterborda soǵys balalaryna eskertkish ornatylady
SANKT-PETERBOR. Jeltoqsannyń 8-i. QazAqparat /Elena Mıagkova/ - Peterborda Uly Otan soǵysyn eske alýǵa arnalǵan jańa eskertkish paıda bolady. «Soǵys balalary» dep atalatyn monýment Uly Jeńis kúnine oraı Erlik alańynda ornatylmaq.
Qazirgi tańda bolashaq eskertkishtiń jobasyna arnalǵan konkýrstyń birinshi kezeńi aıaqtalyp otyr. Qazylar alqasy bes jumysty iriktep aldy, ekinshi kezeńde sol jobalar kúresti jalǵastyrady, dep habarlaıdy QazAqparat tilshisi.
Vıtse-gýbernator Lıýdmıla Kostkınanyń aıtýynsha, «iriktep alynǵan jobalar konkýrstyń usynylǵan taqyrybyna sáıkes keledi, degenmen avtorlar, qazylar alqasynyń syn-eskertýlerin eskerip, jobalaryn tolyqtyrýlary kerek».
Qala ókimetiniń qalaýy - soǵys jyldary zaýyttarda eresektermen qatar eńbek etken, órtengish bombalardy sóndirgen, jaralylarǵa kómektesken jas lenıngradtyqtardyń obrazyn laıyqty kórsetý.
Konkýrstyń ekinshi týry úsh aıdan keıin ótedi dep josparlanýda.
