Peterborda óziniń kóripkel segizaıaǵy paıda boldy
SANKT-PETERBOR. Tamyzdyń 12-si. QazAqparat /Elena Mıagkova/ - Fýtbol matchtarynyń nátıjesin janýarlarǵa boljatý úrdisi Reseıdiń soltústik astanasyna da jetken syńaıly. RF quramasynyń Bolgarııa komandasymen joldastyq kezdesýinde jeńimpaz atanýymen Sankt-Peterbordyń óziniń kóripkeli - Grıgorıı esimdi bylqyldaq deneli segizaıaq paıda boldy. Match aldynda ol jeńistiń reseılik komandanyń úlesinde bolatynyn boljap bergen edi.
Peterbor okeanarıýmyndaǵy eksperıment bir kúnge sozyldy. Akvarıým áınegine Reseı men Bolgarııanyń jalaýlary bekitildi. Zertteýlerdiń shynaıylyǵy úshin jalaýlar kezekpe-kezek oryndarynan aýystyrylyp otyrdy. Biraq Grıgorıı ár kez Reseı jalaýyn kórsetýmen boldy.
Eske sala keteıik, Reseı men Bolgarııanyń joldastyq kezdesýi Peterbordyń «Petrovskıı» stadıonynda tamyzdyń 11-inde ótti. Bul básekede reseılikter 1:0 esebimen jeńiske jetken edi.
