Peterborda Lenıngrad qorshaýy buzylǵanynyń 68 jyldyq merekesin atap ótýde

SANKT-PETERBOR. 18 qańtar. QazAqparat /Elena Mıagkova/ - Búgin Sankt-Peterborda qala tarıhyndaǵy aıtýly kúnderdiń biri - 1943 jyldyń 18 qańtaryndaǵy qamaldyń alynǵan kúni atalyp ótilýde.

Qorshaýdan bosatylǵan qala turǵyndary men ardagerler bul oqıǵaǵa 68 jyl tolyp otyrǵan búgingi merekede dástúr boıynsha jaý shebi alynǵan Lenıngrad oblysy, Kırov aýdany Marıno aýylyna jınalady.

Sondaı-aq ardagerler men qorshaýdy alǵan adamdar Sınıavıno kentiniń mańynda ornalasqan Mýrman jolyndaǵy «Eki maıdangerdiń kezdesýi» eskertkishine gúldestelerin qoıdy.

Osy tarıhı oqıǵaǵa oraı merekelik kontsert ótedi, is-sharaǵa alys-jaqyn shetelderden uzyn sany 4 myńnan astam ardager men kezinde qorshaýdy buzýǵa qatysqan adamdar shaqyryldy.

Lenıngrad qorshaýy tolyqtaı 1944 jyldyń 27 qańtarynda alynǵan bolatyn.