Peterborda Qazaqstanda óltirilgen taksı júrgizýshisiniń isi boıynsha sot bolady
SANKT-PETERBOR. QazAqparat - Sankt-Peterborda 2002 jyly Qazaqstanda qarýly shabýyl jasady jáne taksı júrgizýshisin óltirdi degen aıyp taǵylǵan azamat sotqa tartylady.
Peterbor prokýrorynyń orynbasary osy ýaqytqa deıin Andreı Ichetovkın atyndaǵy jalǵan qujattarmen ómir súrip, kádimgideı jumys jasap, áleýmettik jelilerde adamdarmen aralasyp kelgen Sergeı Ivanovtyń qylmystyq isi boıynsha aıyptaý saraptamasyn bekitti.
«Ivanov-Ichetovkın RF QK-niń birneshe baptary boıynsha aıyptalatyn bolady», dep habarlady Sankt-Peterbor prokýratýrasy.
«Taksı júrgizýshisine qarýly shabýyldy, ony óltirgen asa aýyr qylmysty Ivanov bir top adammen osydan 12 jyl buryn Qazaqstanda jasaǵan. Qylmystyq toptyń qalǵan músheleri kópten beri jazalaryn óteýde», - delingen habarlamada.
Sondaı-aq, prokýratýranyń málimdeýinshe, Ivanov Qazaqstan men Reseıdiń iz kesý organdarynan kóp ýaqyt boıy boı tasalap, basqa tólqujatpen qarapaıym ómir saltyn ustanyp, «Vkontakte» áleýmettik jelisiniń turaqty paıdalanýshysy jáne jyljymaıtyn múlik satý jelisiniń qyzmetkeri bolyp kelgen. «Júrgizilgen jedel izdestirý sharalarynyń nátıjesinde onyń jeke basy anyqtalyp, Peterborda RF ІІM basqarmasy qyzmetkerleriniń kúshimen ustaldy», - deıdi vedomstvodaǵylar.
Qylmystyq is sotqa jiberildi, dep habarlaıdy Sankt-Peterbordaǵy tilshimiz.
