Peterborda Qala kúni alǵash ret Sýdaǵy festıval ótedi
SANKT-PETERBOR. 29 sáýir. QazAqparat /Elena Mıagkova/ - Peterborda Qala kúnine arnalǵan saltanattyń aıasynda alǵash ret «Sýdaǵy qala» baǵdarlamasy ótedi.
Sý ústindegi mereke-festıval eki kúnge sozylady, dep habarlaıdy QazAqparattyń menshikti tilshisi.
Aldyn ala aqparat boıynsha Qala kúni Neva ústine 100-ge jýyq qaıyq shyǵady, degenmen kórermenderdiń yqylasyn 21 kóne parohod erekshe aýdarady dep kútilýde.
«Aǵashpen júretin jáne jasalǵandaryna 1 ǵasyrdan asqan 21 fın parohody sýǵa túsiriledi. Olardyń 12-si - revolıýtsııaǵa deıingi Reseıde, Peterbor ótkelderinde jumys istegen», - deıdi Neva Trevel Kompanı» fırmasynyń dırektory Andreı Nabatov.
Sarapshylardyń aıtýynsha, mundaı biregeı shara alǵash ret ótkizilip otyr. Degenmen, uıymdastyrýshylar festıvaldiń jaı-japsary týraly tolyǵyraq aıtýdan bas tartty.
Esterińizge sala keteıik, Sankt-Peterborda Qala kúni 27 mamyrda atap ótiledi.
