Peterborda blokada nanyn eske alady
SANKT-PETERBOR. Qańtardyń 21-i. QazAqparat /Elena Mıagkova/ - Peterbor turǵyndaryna blokada nanynyń daıyndalý qupııasy tanystyrylady.
Bul qupııa qańtardyń 23-i kúni ótetin «Blokada nany» arnaıy eske alý aktsııasynyń barysynda ashylmaq.
Qańtardyń 23-inde «Pıskarev zıraty» memorıaldyq kesheninde ótetin eske alý sharasyna soǵys ardagerleri, blokadashylar, Peterbordyń 40 mektebi men gımnazııasynyń oqýshylary jáne Lenıngrad oblysynyń basshylyǵy qatysady.
Jınalǵan qaýym áskerı tehnıkalardy tamashalaıdy, naǵyz blokada nanynyń dámin tatyp kóredi jáne Obelıskige gúl shoqtaryn qoıý rásimine qatysady.
«Lenıngradtyń blokada nany» - Reseıden syrt aýmaqtarǵa da tarap otyrǵan aktsııa. Onyń aıasynda soǵys ardagerleri men mektep oqýshylary Belarýs eline sapar jasap qaıtty», - dep habarlady jobany uıymdastyrýshylar.
