Peterborda 15 jastaǵy oqýshy qyz 7 kólikti aıdap áketken
ASTANA. QazAqparat - Sankt-Peterborda kólik aıdap áketken qaraqshylar toby ustaldy. Olar 4 adam: 15 jastaǵy oqýshy qyz, eki kolledj oqýshysy men esh jerde jumys istemeıtin 20 jastaǵy qala turǵyny.
Bul banda ókilderiniń jeti avtomobıl urlaǵany anyqtalyp otyr.
Kólikti aıdap áketý oqıǵasy Stachek dańǵylynda, Vozrojdenıe, Novostroek, Avtovskoı jáne Krasnopýtılovskoı kóshelerinde jıirek oryn alǵan. Ázirge ustalǵandardyń barlyǵy eshqaıda ketpeý jónindegi qolhatpen bosatyldy. Sonymen qatar, olardyń eń úlkeniniń ústinen kámelettik jasqa tolmaǵandardy qylmysqa tartqany úshin is qozǵaldy.
