Peterbor turǵyny jalǵan tólqujatpen nesıe kartasyn bankte rásimdeý kezinde ustaldy
ASTANA. QazAqparat - Peterbordyń Kırov aýdanynda jalǵan tólqujatpen banktiń qyzmetin paıdalanbaq bolǵan 35 jastaǵy er adam ustaldy.
Azamat bank bólimshesine kelip, nesıe kartasyn resimdeýdi suraǵan. Al onyń qarjy mekemesiniń qyzmetkerine usynǵan jeke kýáliginde sýret japsyrylǵan eken. Qujatty aram oıly urlaǵan ne taýyp alǵan bolýy múmkin.
Bank qyzmetkeri tólqujattyń jalǵan ekenin birden baıqap, klıentke bildirtpeı «dabylqaqqysh» túımeshegin basqan da kartany rásimdeýmen aınalysyp jatqandaı túr kórsetken. Polıtsııa qyzmetkerleri shuǵyl jetti. Ustalǵan azamattyń ústinen qylmystyq is qozǵaldy.
