Peterbor tumaýmen kúresýde
SANKT-PETERBOR. Qarashanyń 17-si. QazAqparat /Elena Mıagkova/ - Dońyz jáne maýsymdyq tumaý pandemııasynyń qaýpi Peterbor ókimetin qoǵamdyq oryndarda aýrýdyń aldyn alý týraly aqparattar ornalastyrýǵa májbúr etýde,
dep habarlaıdy osynaý sharany uıymdastyrýshy - «Qyzyl Krest» qoǵamynyń peterborlyq bóliminiń baspasóz qyzmetinen.
Arnaıy ázirlengen jarqaǵazdar men únparaqtar adamdar kóp jınalatyn oryndarǵa, atap aıtqanda, mektep, joǵary oqý oryndary, meıramhanalar, dámhanalar, saýda ortalyqtary, kontsert alańdary, t.b. oryndarǵa ornalastyrylatyn bolady. Jarqaǵazdarda qoldardy durys jýý men túshkirgen kezdegi qorǵaný úderisteri beınelengen. Al baǵyttyq taksılerde tumaýdyń aldyn alý týraly beınebaıandar kórsetile bastaıdy.
Sońǵy málimetter boıynsha, Sankt-Peterborda joǵary patogendi A/H1N1 tumaýymen(dońyz tumaýy) aýyrǵan 300-den astam adam tirkelgen. Resmı málimetter boıynsha, kisi ólimi joq.
