Peterbor temirjolynda bomba jaryldy
ASTANA. Aqpannyń 2-si. QazAqparat - Búgin túnde Peterborda Oktıabr temirjolynda jarylys boldy.
Máskeý ýaqyty boıynsha saǵat 04.21-de Sankt-Peterbor-Vıtebsk temirjolynyń Bronevaıa-Lıgovo ýchaskesinde jarylǵan bomba ótip bara jatqan drezınanyń kúlin kókke ushyrdy. Reseı temir jolynyń baspasóz qyzmetinen habarlaǵandaı, drezına mashınısi aıaǵynan jaraqat aldy.
Aldyn ala málimetter boıynsha, jarylǵysh qurylǵynyń qýaty trotıl balamasy boıynsha 200-400 gramm aralyǵynda. Oqıǵa ornynda dıametr 1 metrdeı shuńqyr paıda boldy.
Qazir ol jerde Kóliktegi Soltústik-Batys tergeý basqarmasynyń jedel-tergeýshi toby jumys istep jatyr.
Ótkelde poıyz qozǵalysy toqtatyldy. Peterbordyń Baltyq vokzaly jabylyp, vokzaldan qala mańyna qatynaıtyn poıyzdar júrmeı tur. Onyń ornyna Áýejaı jáne Vıtebsk vokzaly platformalarynan Gatchına baǵytynda keste boıynsha qozǵalystar uıymdastyryldy, dep habarlaıdy RBK agenttigi.
