Peterbor sýretshileri óz týyndylaryn Qazaqstannyń Ulttyq mýzeıine syılady
ASTANA. QazAqparat - Búgin belgili reseılik sýretshiler Latıf Kazbekov pen Alekseı Talaşýk ózderiniń týyndylaryn Qazaqstan Respýblıkasy Ulttyq mýzeıine saltanatty túrde tapsyrdy.
Osy sharaǵa baılanysty ótkizilgen dóńgelek ústel barysynda qos sýretshi Qazaqstandyq áriptesterne, mýzeı ujymyna alǵystaryn aıtty.
«Men ózimniń jumystarymdy tarıhı otanymnyń eń úlken mýzeıine tabystap otyrǵanym úshin óte baqyttymyn. Bizdi munda óte jaqsy qarsy aldy, aldymen Almatyda, sosyn Astanada úlken qurmetke bóledi. Sizderdiń qonaqjaılylyqtarynyń ómir boıy esimde qalatyn shyǵar», - deıdi Qazaqstanda týyp-ósken, qazir Sankt-Peterbor qazirgi zamanǵy óner akademııasynyń múshesi, ataqty sýretshi Latıf Kazbekov.
Sonymen qatar, dóńgelek ústelde Peterbýrg sýretshileriniń ónerin Qazaqstanda jáne qazaqstandyq sýretshilerdiń sýretshilerdiń týyndylaryn Sankt-Peterborda «Peterbýrgtyń erkin sýretshileri» qoǵamdyq birlestigimen birlese otyryp kópshilik qaýymǵa taratý, tanytý máseleleri talqylandy.
Aıta keteıik, shara 2014 jyldyń 11 jeltoqsanynda Ulttyq mýzeıde ashylǵan joaǵaryda attary atalǵan eki sýretshiniń «Biz birgemiz» atty kórmesiniń jabylýyna oraı uıymdastyrylyp otyr. Kórmege L. Kazbekovtiń tabıǵı boıaýlardy qoldana otyryp, avtorlyq qaǵazdy qoldan quıý tehnologııasymen oryndalǵan 30 grafıkalyq týyndysy jáne A. Talaşýktyń 36 keskindeme, akvarel jáne emaldy jumystary qoıyldy.
Shara sońynda QR Ulttyq mýzeıine L. Qazbekov óziniń «Qarqyndy», «Berik» degen týyndylaryn, al A. Talaşýk «Altyn balyqtyń órbýi», «Tereze aldynda» atty kartınalaryn syıǵa tartty.
