Peterbor ǵalymy 5 paıyz dáldikpen ónimdi boljaý tásilin ázirledi
ASTANA. QazAqparat - Peterbor ǵalymy, Nobel syılyǵynyń 2007 jylǵy laýreaty 5 paıyzǵa deıin dáldikpen ónimdilikti boljaý tásilin ázirledi.
Bul týraly TASS-qa SPbMÝ klımatologııa jáne qorshaǵan ortanyń monıtorıngi kafedrasynyń professory - ázirleýshiniń ózi Gennadıı Menjýlın habarlady.
«Zertteý negizinde ónimdilik týraly spýtnıkten túsirilimder men statıstıkalyq derekter - eki iri dereqor negizinde boljamnyń matematıkalyq úlgisin qalyptastyrý jatyr», - dep túsindirdi ol.
Pılotty óńir retinde Menjýlınniń ǵylymı toby Reseıdiń 20 eýropalyq oblysy men amerıkalyq Kanzas shtatynyń 105 okrýgin, sondaı-aq Frantsııanyń keıbir aýmaǵyn aldy.
«Biz derekterdi túrli aýdandardaǵy ónimdilik týraly statıstıkalyq aqparatpen salystyra otyryp, spýtnıkten alynǵan derekterdi taldaımyz. Ótken jyldaǵy ónimniń ózara táýeldilik algorıtmin izdeımiz, túsirilimnen túsirilimdi, aýmaqtan aýmaqty, aptadan aptany taldaı otyryp, boljamdardyń jumys úlgisin qalyptastyramyz», - dedi ǵalym.
Gennadıı Menjýlın 2007 Intergovernmental Pannel on Climate Change" - klımattyń ózgerýi jónindegi úkimetaralyq sarapshylar toby» halyqaralyq ǵylymı ujym quramynda álemdik Nobel syılyǵyn aldy.
