Peskov: Reseı delegatsııasy 15 mamyrda Ystambulda ýkraınalyq ókilderdi kútedi
ASTANA. KAZINFORM — Reseı delegatsııasy beısenbi kúni Ystambulda ýkraın tarapynyń kelýin kútetinin málimdedi RF prezıdentiniń baspasóz hatshysy Dmıtrıı Peskov VGTRK jýrnalısi Pavel Zarýbınniń suraǵyna jaýap bere otyryp, dep habarlaıdy TASS.
— Biz tek prezıdent [RF Vladımır] Pýtınniń málimdemelerin negizge alamyz. Ol delegatsııalar arasyndaǵy kelissózderdi beısenbi kúni Ystambulda ótkizýdi usyndy. Bizdiń delegatsııa sonda bolady jáne ýkraın tarapyn kútedi, — dedi Peskov Zelenskııdiń Reseı basshysymen kezdesýge nıet bildirýine qatysty Zarýbınniń suraǵyna jaýap bere otyryp.
Sondaı-aq Peskov Reseı delegatsııasynyń quramy prezıdenttiń tıisti nusqaýy bolǵan kezde ǵana jarııalanatynyn naqtylady.
Buǵan deıin Zelenskıı 15 mamyrda Túrkııada bolatynyn, onda Túrkııa prezıdenti Rejep Taııp Erdoǵanmen kezdesý josparlanǵanyn rastaǵan. Ol sondaı-aq Ankarada nemese Ystambulda Pýtınmen kezdesýge úmit artyp otyrǵanyn aıtqan.
Buǵan deıin biz Pýtınniń kelissóz ótkizý týraly usynysyna Eýropa elderi basshylarynyń qalaı jaýap bergeni týraly jazǵan edik.