18:36, 24 Naýryz 2025 | GMT +5
Peskov: Pýtınniń Trampqa syılyǵy jeke sıpatqa ıe
ASTANA. KAZINFORM – Reseı prezıdenti Vladımır Pýtınniń jeke syılyqtaryna qatysty jan-jaqty aqparat berilmeıdi. Bul týraly Kremldiń baspasóz hatshysy Dmıtrıı Peskov málimdedi, dep habarlaıdy TASS.

TASS agenttiginiń suraǵyna jaýap bergen Peskov Pýtınniń AQSh prezıdenti Donald Trampqa orys sýretshisiniń qylqalamynan shyqqan portretin syıǵa tartqany týraly aqparatqa túsinikteme berdi.
- Aıtarym, bul - prezıdenttiń amerıkalyq áriptesine jasaǵan jeke syılyǵy. Sondyqtan biz qosymsha aqparat bergimiz kelmeıdi. Eger prezıdenttiń ózi bul týraly aıtý qajet dep tapsa, ony ózi habarlaı jatar, – dedi Peskov.
Buǵan deıin Tramp Kolorado shtatyndaǵy Kapıtolıı ǵımaratynda ilingen óziniń «burmalanǵan» portretine shaǵymdanǵany týraly habarlanǵan bolatyn.