Peskov Kellogtyń Ýkraına jónindegi kelissózderden shettetilgenin joqqa shyǵardy

ASTANA. KAZINFORM — RF prezıdentiniń baspasóz hatshysy Dmıtrıı Peskov AQSh prezıdentiniń arnaıy ókili Kıt Kellogtyń Máskeýdiń suraýy boıynsha Reseı men AQSh arasyndaǵy Ýkraına jónindegi kelissózderden shettetilgeni týraly aqparatty joqqa shyǵardy, dep habarlaıdy Interfax.

Amerıkalyq tarap Kellogty osy sebep boıynsha kelissózderden shettetkeni týraly aqparatty Peskovtan juma kúni jýrnalıster surady.

— Joq, men muny rastaı almaımyn. Reseı tarapy AQSh-tyń ishki isterine aralasady dep oılaý – absýrd. Bizde ondaı nıet múlde joq. Biz, kerisinshe, barlyq qarym-qatynas ózara qurmet negizinde qurylýy kerek dep esepteımiz. Ózara qurmetti basshylyqqa ala otyryp, árıne, biz AQSh-tyń ishki isterine aralaspaımyz. Kimdi taǵaıyndaý, kimdi taǵaıyndamaý – bul olardyń sheshimi. Sondyqtan men bul aqparatty múlde rastaı almaımyn, – dep túsindirdi Peskov.

Buǵan deıin NBC News Tramp ákimshiliginiń aty-jónin atamaǵan ókiline silteme jasap, Máskeýdiń ótinishi boıynsha Kellogtyń Reseı men AQSh arasyndaǵy Ýkraına jónindegi kelissózderden shettetilgenin habarlaǵan bolatyn.