Peskov: Qazaqstan Prezıdenti myqty saıası tulǵa
ASTANA. KAZINFORM — Reseı prezıdentiniń baspasóz hatshysy Dmıtrıı Peskov Qazaqstan Prezıdenti Qasym-Jomart Toqaevty saıası turǵydan óte myqty tulǵa dep atady, dep habarlaıdy Kazinform «Vestı» aqparattyq portalyna silteme jasap.
Kremldiń resmı ókili bul týraly jýrnalıst Pavel Zarýbınge bergen suhbatynda aıtty.
Peskov Toqaevtyń Reseı Prezıdenti Vladımır Pýtındi atap ótken sózderine baǵa berdi.
— Prezıdent Toqaev — saıası turǵydan óte myqty tulǵa. Onyń saıası resýrsy da óte aýqymdy. Bolashaqty saıası turǵydan kóre biletin, ustanymy berik ári dáıekti adamdar ǵana osyndaı pikir aıta alady. Basqalary bulaı aıta almaıdy, — dedi Peskov.
Buǵan deıin Qasym-Jomart Toqaev Reseı Prezıdenti Vladımır Pýtındi jaqsy biletinin aıtyp, onyń tarıhy kúrdeli iri memleketti basqarýǵa qajetti qasıetterge ıe ekenin málimdegen bolatyn.
Eske salaıyq, Qasym-Jomart Toqaev pen Vladımır Pýtın aldaǵy kezdesýler men ekijaqty yntymaqtastyq máselelerin talqylaǵan edi.
