Peshpen jylytylady, ájethanasy dalada: ShQO-daǵy emhananyń jaǵdaıy týraly resmı jaýap berdi

Shyǵys Qazaqstan oblysyndaǵy 5 myńǵa jýyq adamǵa qyzmet kórsetetin emhana peshpen jylytylyp, ájethanasy dalada tur. Bunyń sebebin ShQO Densaýlyq saqtaý basqarmasynan túsindirip berdi, dep habarlaıdy Kazinform.

Búgin BAQ-ta jáne áleýmettik jelide Óskemendegi №2 qalalyq emhananyń múshkil jaǵdaıy týraly aqparat tarady. Onda medıtsınalyq mekemeniń áli kúnge deıin peshpen jylytylyp otyrǵany jáne ájethanasy dalada turǵandyǵy jazylǵan. Bul emhanaǵa qalanyń 5 myńǵa jýyq turǵyny baryp qaralady.

Osyǵan oraı Kazinform agenttiginiń tilshisi ShQO Densaýlyq saqtaý basqarmasyna habarlasty.

«Bul ǵımarat osyǵan deıin talaı ýaqyt boıy jekemenshik uıymnyń balansynda bolǵan. Bıyl ǵana ol memleket menshigine qaıtaryldy. Árıne, kúrdeli jóndeý jumystaryn júrgizý josparda bar. Jylý máselesi de oılastyrylyp jatyr. Sol emhana mańyndaǵy kóshelerde turatyn halyq medıtsınalyq qyzmetti alý úshin alysqa barmasyn dep bul ǵımarat satyp alynǵan. Onda túrli mamandar turǵyndarǵa tıisti kómek kórsetýde», - deıdi basqarmasynyń baspasóz hatshysy Ásem Qaıratbek.