Peshi bar árbir úıde arnaıy datchık bolýy qajet - QR ІІM
ASTANA. QazAqparat - Búginde aýadaǵy gazdardy ólsheıtin arnaıy datchıkter bar. Ondaı qurylǵylardyń baǵasy da qymbat emes. QR Іshki ister mınıstrligi peshi bar árbir úıge datchıkterdi ornatýǵa keńes berip otyr, dep xabarlaıdy QazAqparat tilshisi.
Vıtse-mınıstr ıÝrıı Ilınniń aıtýynsha, ázirshe atalǵan qurylǵylardy pesh jaǵyp otyrǵan árbir úıge ornatý mindeti zańmen bekitilmegen. Aldaǵy ýaqytta ondaı normany engizý josparlanyp otyr.
"Ashyǵyn aıtý kerek, órt qaýipsizdigine arnalǵan sharalardy júrgizgende úıdiń ıeleri esikti ashpaı qoıady. Al ashqan kúnniń ózinde ishke kirgizbeıdi. Sodan bizdiń qyzmetkerlerimiz tabaldyryqta turyp, peshti qaýipsiz qoldanýdy túsindirip jatady. Endi, keı kezde úıdiń ıeleri kirýge, tipti, peshtiń aınalasyn qarap shyǵýǵa ruqsat beredi. Sol kezde mamandar óz aqyl-keńesterin aıtady. Biraq kóp jaǵdaıda adamdar úılerine kirgizbeıdi. Oǵan qarsylyǵymyz joq. Sebebi bul - árbir azamattyń kostıtýtsııalyq quqyǵy. Bizdiń ınspektorlarymyz oǵan qarsy eshteńe isteı almaıdy. Degenmen, búginde biz jańa qurylys nysandaryna qatysty normalardy pysyqtap jatyrmyz. Sonda aýadaǵy ıis jáne tabıǵı gazdyń kólemin ólsheıtin datchıkterdi ornatý máselesi eskeriledi. Jańadan salynǵan úıdi paıdalanýǵa bergende ondaı qurylǵylardy mindetti túrde ornatý jaǵy qarastyrylady. Іshte turǵan datchıkter birden sıgnal beredi", - dedi ıÝ.Ilın jýrnalısterge bergen suxbatynda.
Onyń sózine qaraǵanda, respýblıka boıynsha jeke menshik úılerde turatyn azamattar datchıkterdi óz erkimen birtindep ornatyp jatyr. Biraq atalǵan kórsetkish tym tómen bolyp tur. Sebebi zańdy túrde ondaı mindet jazylmaǵan.
"Negizi, buryn sıgnal beretin datchıkter bolmaǵan. Sol sebepti atalǵan qurylǵylar zańǵa engizilmedi. Qazir onyń bári bar. Osyǵan baılanysty biz ol datchıkterdi ornatýǵa keńes beremiz. Baǵasy qymbat emes. Shamamen, 5 myń teńge. Eger adamnyń datchıkti alýǵa aqshasy jetpese, onda ákimdikke xat jazýǵa bolady. Jergilikti bılik tótenshe jaǵdaıdyń aldyn alý sharalary aıasynda kómek bere alady", - dep atap kórsetti ıÝ.Ilın.
Aıta keteıik, búgin QR Іshki ister mınıstrligi Astanadaǵy qaıǵyly oqıǵanyń mán-jaıyn túsindirdi. Tergeý materıaldaryna sáıkes, úıdiń otaǵasyn túngi ýaqytta jumys berýshisi shaqyryp aldy. Vıtse-mınıstr ıÝrıı Ilın bes balanyń ómirin jalmap ketken órttiń aldyn ala sebebin de jarııalady.
