Perzentxanadaǵy eki áıeldiń ólimi: Mınıstr nárestelerdiń jaǵdaıy týraly aıtyp berdi
"Bir balanyń jaǵdaıy týmaı turyp nasharlady. Gıpoksııa órship ketti. Sonyń saldarynan náreste áli kúnge deıin aýyr jaǵdaıda jatyr. Jasandy jolmen dem alýda. Jan saqtaý bóliminen áli shyqpady. Biz ózara konsýltatsııalardy ótkizip kelemiz. Kelesi aptada xalyqaralyq konferentsııaǵa shetelden neıroxırýrgtar keledi. Sol kezde qosymsha konsılıým ótkizemiz. Ekinshi bala da merziminen buryn dúnıege keldi. Degenmen, aldyn ala sharalar óz nátıjesin berdi. Eki náresteniń ákeleri barlyq sharalarǵa atsalysyp otyr", - dedi E.Birtanov jýrnalısterge bergen suxbatynda.
Mınıstrdiń sózine qaraǵanda, ondaı jaǵdaılarda dárigerler de psıxologııalyq kómekke júginedi. Al keıbireýleri jumysty tastap ketkisi keledi. Al akýsher, gınekolog pen reanımatolog mamandardyń tapshylyǵy barynsha baıqaldy.
"Komıssııa áli jumys istep jatyr. Ondaıda táýelsiz sarapshylar taldaý jasaıdy. Men ózim perzentxanada boldym. Áriptestermen sóılestim. Meniń túsingenim, statsıonarda barlyq kómek jasaldy. Degenmen, sarapshylar áli qaraıdy. Osyndaı jaǵdaılardan keıin dárigerlerdiń ózderi jumystan ketkisi keledi. Óıtkeni sot bar jáne taǵysyn taǵy. Tergeý júrgiziledi. Olarǵa da psıxologııalyq kómek beriledi", - dep atap kórsetti E.Birtanov.
Aıta keteıik, Astanada №1 perınataldyq ortalyqta eki áıel qaıtys boldy. Dárigerlerdiń aıtýynsha, 34 jastaǵy bosanǵan birinshi áıel 21 maýsymda tańǵy saǵat 5-te, al ekinshisi (31 jasta) 25 maýsymda saǵat 4 kezinde kóz jumǵan.
«Birinshi jaǵdaıda kelinshek balany ózi bosandy, al ekinshi jaǵdaıda kesar tiligi jasaldy. Ekeýi de osyǵan deıin bosanǵan áıelder. Sonymen qatar olardyń júktilikke baılanysty emes aýrýlary bolǵan», - deıdi olar.