Perzenthanalarda zań buzýshylyq: analarǵa berilmegen dári qobdıshalary qaıtaryldy
ASTANA. KAZINFORM — Astana qalasy Nura aýdanynyń prokýratýrasy qadaǵalaý barysynda densaýlyq saqtaý jáne kámeletke tolmaǵandardyń quqyqtaryn qorǵaý salasynda zań buzýshylyqtar anyqtady. Bul týraly prokýratýra málim etti.
«Halyq densaýlyǵy jáne densaýlyq saqtaý júıesi týraly» Kodekstiń 5-babynyń 3) jáne 4) tarmaqtaryna sáıkes, ana men balany qorǵaý jáne tegin medıtsınalyq kómektiń kepildik berilgen kólemin qamtamasyz etý qaǵıdattaryna negizdeledi.
— Perzenthanadan shyǵarylǵan kezde 1 150 ana men nárestege arnalǵan «Dári-dármek qobdıshasy» tegin jıyntyǵy berilmegeni anyqtaldy. Prokýrorlyq qadaǵalaý aktisi boıynsha anyqtalǵan buzýshylyqtar joıylyp, dári-dármek qobdıshalarymen barlyǵy qaltyldy. Kináli laýazymdy tulǵalar tártiptik jaýapkershilikke tartyldy, — delingen habarlamada.
Azamattardyń quqyqtaryn qorǵaý jumysy prokýratýra organdarynyń turaqty baqylaýynda.
Buǵan deıin Jambyl oblysynda perzenthanadaǵy ana ólimine baılanysty jospardan tys tekserý bastalǵan edi.
