Perýdyń birneshe aımaǵynda tótenshe jaǵdaı jarııalandy

ASTANA. QazAqparat - Senbi kúni Perý bıligi Lıma departamentinde jáne basqa da birqatar aımaqtarda tótenshe jaǵdaı jarııalady, dep habarlaıdy QazAqparat TASS aqparat agenttigine silteme jasap.

Elde narazylyq sharalary jalǵasýda, oǵan qatysýshylar memleket basshysy Dına Bolýarteniń otstavkaǵa ketýin jáne jańa saılaý ótkizýdi talap etýde.

«15 qańtardan bastap Pýno, Kýsko, Lıma departamentterinde, Kalıao provıntsııasynda, Apýrımak departamentiniń Andaýaılas provıntsııasynda, Madre-de-Dos departamentine qarasty Tambopata jáne Taýamaný provıntsııalarynda, Mokegýa departamentine qarasty Marıskal-Neto provıntsııasynyń Torata aýdanynda, sondaı-aq ulttyq jol jelisiniń bóligi bolyp tabylatyn birneshe magıstralda tótenshe jaǵdaı engizilgen», - delingen. El Peruano úkimettik gazetiniń saıtynda jarııalanǵan Jarlyq mátininde.

2022 jyly 7 jeltoqsanda prezıdent Pedro Kastılo bılikten ketkennen keıin Perýde úkimetke qarsy aýqymdy narazylyq sherýleri bastaldy. Saldarynan joldar jabylyp, áýejaılar men úkimettik ǵımarattarǵa shabýyl jasalda. Qaqtyǵys saldarynan 40-tan astam adam qaza taýyp, júzdegen adam jaraqat aldy.

Foto: AP Photo / Martin Mejia