Perýdiń jańa prezıdenti mınıstrlerdi jurtpen birge jattyǵýǵa shyǵardy
ASTANA. QazAqparat - Perýdiń jańa prezıdenti Pedro Pablo Kýchınskı mınıstrlerdi kópshilikpen birge jattyǵýǵa shyǵardy, dep habarlady Reuters. Jattyǵý úkimet ǵımaratynyń janynda ótti.
77 jastaǵy memleket basshysynan basqa aktsııaǵa mınıstrler kabınetiniń 19 múshesiniń 11-i qatysty. Olardy fıtnes boıynsha eki bapker basqardy. Jattyǵý jurtshylyqtyń kóńilin kótergeni atap ótiledi.
Taıaýda bolǵan Kýchınskıdiń saılaý naýqany ýaqytynda onyń densaýlyǵy men jasyna qatysty suraqtar kóp bolǵan. Endi memleket basshysy ár sársenbi saıyn mınıstrlerimen birge jattyǵý ótkizip turýǵa ýáde berdi.
Perý prezıdenti eldiń jartysynan kóbi artyq salmaqpen zardap shegetindikten, dene jattyǵýyn jarnamalaǵysy keletinin málim etti.
