Perýdegi jol apaty qurbandarynyń sany 48-ge jetti
ASTANA. QazAqparat - Perýdegi Panamerıkan tas jolynyń Pasamaıo aýdanynda avtobýstyń quzdan qulaýy saldarynan qaza tapqandardyń sany 48-ge jetti, dep jazady jergilikti El Comercio gazeti.
Alǵashqy málimetter boıynsha oqıǵa ornynda qaza tapqandar sany 25 tóńireginde degen habar taralǵan edi.
Sońǵy derekterge qaraǵanda, shamamen 100 metr bıiktikten muhıt jaǵalaýyna qulap ketken avtobýsta 55 jolaýshy bolǵan. Bılik jan túrshigerlik oqıǵany tekserip jatyr. Bastapqy boljam boıynsha apatqa avtobýstyń basqa kólikpen soqtyǵysýy sebepshi bolǵan.
