Perýdegi sý tasqyny: 5 adam mert bolyp, 10-nan astamy iz-túzsiz joǵalǵan
NUR-SULTAN. QazAqparat - Perýdiń ońtústigindegi qatty jańbyr saldarynan bolǵan sý tasqyny bes adamnyń ómirin qıyp ketti. Bul týraly QazAqparat teleSUR telearnasyna silteme jasap habarlaıdy.
Telearnanyń málimetinshe, 290-nan astam otbasy zardap shekken. Taǵy da 10 shaqty adam iz-túzsiz joǵalyp ketken. El úkimeti respýblıkanyń ońtústigindegi Aıakýcho, Kýsko jáne Pýno aımaqtarynda tótenshe jaǵdaı jarııalady.
Qazirgi ýaqytta qutqarýshylar joǵalǵan adamdardy izdestirip jatyr. Sý basqan ǵımarattar men baılanys quraldaryn qalpyna keltirý jumystary júrgizilýde.
