Perýde jolaýshylar avtobýsy shyńyraýǵa qulap ketti
ASTANA. 17 jeltoqsan. QazAqparat - Ortalyq Perýde avtobýs shyńyraýǵa qulap ketip, oqıǵa saldarynan eń kem degende, 17 adam qaza boldy, taǵy 30-ǵa jýyq adam túrli jaraqat aldy, dep habarlady Ulttyq jol polıtsııasynyń basshysy general Brýno de Benedettı.
Jol apaty el astanasynyń soltústik-shyǵysyna qaraı 400 shaqyrymdaı jerde, Ýanýko óńirinde oryn aldy, dep habarlaıdy Utro.ru.
Sonia kólik kompanııasynyń 50 jolaýshy mingen qalaaralyq avtobýsy And taýlarynda 500 metrlik shyńyraýǵa qulap ketken.
«Oqıǵa ornynda 15 adamnyń denesi tabyldy. Taǵy eki jolaýshy aýrýhanada kóz jumdy. 25 adam aýyr jaǵdaıda aýrýhanaǵa jetkizildi, olardyń ishinde balalar da bar», - dep málim etti general de Benedettı.
Aldyn-ala dolbarlar boıynsha, avtobýs júrgizýshisi qarsy aldynan shyǵyp qalǵan pıkappen soqtyǵysyp qalmaý úshin, rýldi buryp, trassadan shyǵyp ketken.
