Perýde jer silkindi
ASTANA. 25 tamyz. QazAqparat - Perýdiń Brazılııamen shektesip jatqan soltústik aýdanynda 7 baldyq jer silkinisi boldy,
dep habarlaıdy RBK.
AQSh Ulttyq geologııalyq qyzmetiniń málimetinshe, jer silkinisiniń kindigi Pýkalpa qalasynyń soltústigine qaraı 82 shaqyrym jerde jáne el astanasy Lıma qalasynyń soltústik-shyǵysyna qaraı 567 shaqyrym jerde ornalasqan.
Jer silkinisiniń kúshi óte qatty bolǵan, alaıda onyń tereńdigi 145,1 shaqyrymda jatqandyqtan, jer betine aıtarlyqtaı zaqym keltirmeýi tıis.
Qaza tapqandar men zadap shekkender týraly habarlama joq.
Esterińizge sala keteıik, 2011 jyldyń 23 tamyzy kúni AQSh-ta 5,9 baldyq joıqyn jer silkinisi bolǵan.
