Perýde úńgirge qulap ketken ıspandyqty bir aptadan beri shyǵara almaı jatyr
ASTANA. QazAqparat - Perýde bir aptadan beri tereńdigi 400 metrdeı úńgirge qulap ketken ıspandyqty qutqarý jumystary júrgizilýde.
Zardap shegýshi Sesılıo Lopes eldiń astanasynan soltústik-shyǵysqa qaraı 605 shaqyrym jerde Leımebamba qalashyǵy mańyndaǵy Intı Machaı úńgirine qulap ketken, dep habarlady Associated Press.
Іzdeý sharasynyń úılestirýshisi Djeıms Apastegýı habarlaǵandaı, Lopeske jetken medıtsına qyzmetkerleri onyń eki bel omyrtqasyna zaqym kelgenin, soǵan baılanysty qozǵala almaıtynyn anyqtady. Qutqarýshylar er adamdy tamaq, sý jáne dárimen qamtamasyz etýde. Olardyń aıtýyna qaraǵanda, úńgirdiń shalǵaıda, tar ári asa tereń bolýy ota jasaýdy qıyndatyp tur. Bul sharaǵa Perý jáne sheteldik qutqarýshylar, sonymen birge ıspandyq eriktiler qatysýda.
