Perýde týrısteri bar áýe shary joǵalyp ketti
ASTANA. 29 sáýir. QazAqparat - Saıahatshylary bar áýe shary Perýdyń jaǵalaýynda Tynyq muhıtta joǵalyp ketti. Bul týraly shardyń qojaıynyna silteme jasap, AFP agenttigi habarlap otyr.
Onyń ıesiniń aıtýynsha, áýe sharyndaǵy 7 adamnyń altaýy týrıster, bireýi pılot. Barlyǵy da Perý azamattary. Saıahatshylar Lımanyń ońtústigine qaraı Tynyq muhıtyn joǵarydan tamashalaýǵa shyqqan. Biraq Perý astanasynan 200 shaqyrymǵa uzaǵan shar kózden tasa boldy.
Áýe sharymen saıahatty uıymdastyrǵan kásiporyn ókiliniń boljamynsha, apat oryn alyp, shar qulaǵan bolýy múmkin. Áýe sharyna bekitilgen sebet sý betinde de qalqıdy. Oqys jaǵdaı oryn alýy múmkin dep boljanǵan aýdanda tikushaqtyń kómegimen týrıster izdestirilýde.
Keıinnen Perýdyń Іshki ister mınıstri Vılfredo Pedrasqa silteme jasap, Reseı Jańalyqtar agenttiginiń habarlaǵanyndaı, Tynyq muhıttyń ústinde joǵalǵan áýe sharynda bolǵan 5 týrıst áıel tabyldy.
«Barlyǵy áýe sharynda 7 týrıst boldy, ekeýi - er, beseýi áıel adamdar. Áıelder tiri, qazir olar áýe joldary arqyly áskerı-teńiz gospıtaline jetkizilý ústinde. Ázirge olardyń jaǵdaılary týraly naqty aqpar joq», - dep málimdedi mınıstr RPP radıostansasynyń efıri arqyly.
Onyń aıtýyna qaraǵanda, qazirgi tańda shardy basqarǵan er adam jáne áýe saıahattaryn uıymdastyratyn Globos Peru Sac kompanııasy qojaıynynyń aǵasy izdestirilýde. Aldyn ala boljamǵa sáıkes, er adamdardyń biri jaǵaǵa júzip jetpek bolyp, shardy tastap shyqqan.
