Perýde toı bolyp jatqan qonaqúıdi kóshkin basyp qaldy, 15 adam qaza tapty
ASTANA. QazAqparat - Perýde úılený toıynda júrgen 15 adam qaıǵyly oqıǵanyń qurbany boldy. Eldiń ońtústik-shyǵysyndaǵy Andy taýlarynda toı ótip jatqan qonaqúıdi laı kóshkini basyp qaldy, dep habarlaıdy euronews.com.
Taýdan jyljyǵan tastar kóshkinnen qorǵaıtyn qorshaýdy buzyp ótip ǵımarattyń qabyrǵasyn qıratqan. Saldarynan qonaqúıdiń shatyry opyryla qulaǵan. Bul kezde ǵımarattyń ishinde 100-den astam adam júrgen. Polıtsııanyń málimetinshe, qaıǵyly oqıǵa kezinde olardyń jartysyna jýyǵy qulaǵan qabyrǵanyń janynda turǵan.
29 adam aýyr jaraqattandy, qutqarýshylar olardy úıindiler astynan alyp shyqty.
Kóshkin júrýine aımaqta birneshe apta boıy toqtamaǵan jaýyn-shashyn sebep bolýy múmkin.
