Perýde tas atqylaǵan Ýbınas janartaýy mańyndaǵy jurt jappaı kóshirilmek

NUR-SULTAN. QazAqparat - Perýdegi Ýbınas aýdanynyń meri Isaak Tola beısenbi kúni janartaýǵa jaqyn jerdegi eldi mekender turǵyndarynyń jappaı kóshiriletinin málimdedi, dep habarlaıdy Andina agenttigi.

«Bul joly Ýbınas janartaýy úlken kólemde kúl shyǵaryp jatyr, al keshe qyzyp turǵan tastar atqylap, turǵyndardy shoshytty. Olar bastapqyda-aq kóshkileri keldi», - dep keltiredi agenttik merdiń sózin.

Evakýatsııa protsesi kezeń-kezeńimen júrgiziledi, al beısenbi kúni janartaýǵa jaqyn turatyn alǵashqy 500 adam evakýatsııalandy, dep habarlaıdy agenttik.

Perý bıligi eldiń úsh departamentinde Ýbınas janartaýyna baılanysty tótenshe jaǵdaı engizdi. Prezıdent pen mınıstrler keńesiniń buıryǵyna sáıkes, TJ Mokegýa, Arekıp jáne Takna departamentterinde 60 kúnge jarııalandy.