Perýde sıqyrshylyq jasaǵan áıeldi órtep jiberdi
ASTANA. QazAqparat - Perýde dýagerlik jasady dep aıyptalǵan kempirdi tirileı órtep jiberdi, dep habarlaıdy Associated Press agenttigi.
Bastapqy derekke sensek, úndister 73 jastaǵy Roza Vılıar Harıonıkany adamdarǵa dýa jasady dep aıyptal, ony órtep óltirý jóninde sheshim qabyldanǵan. Úkim shyǵarýǵa 40 adam qatyssa sonyń kópshiligi ólim jazasyn quptaǵan. Úkimdi jergilikti kósem qoldap, ol týraly qaýymnyń jýrnalyna jazba jasalǵan.
Óńirdiń prokýrory Pýerto-Bermýdes Ýgo Maýrısıonyń aıtýynsha, oqıǵa eldiń ortalyq bóligindegi Amazonka alqabyndaǵy jynys ormanda ómir súretin Shırıngamatý Alto (Shiringamazu Alto) qaýymynda bolǵan. Harıonıkanyń qol-aıaǵy baılap, ústine qýraǵan shóp pen aǵash úıip, sosyn benzın quıyp órtep jibergen. Jaza oryndalǵan sátti uıaly telefonǵa da túsirip alǵan.
Aıǵaqtyń kózin joıý úshin qaýym máıitti úsh kún órtegen. Alaıda sol jerge kelgen polıtsııa marqumnyń birneshe súıegin taýyp aldy.
