Perýde naızaǵaı túsip, 13 adam mert boldy
NUR-SULTAN. QazAqparat – Perýdiń Kanas, Kanchıs jáne Espınar taýly provıntsııalarynda tórt kún ishinde túsken naızaǵaıdan 13 adam qaza tapty, dep habarlaıdy QazAqparat Peru21 portalyna silteme jasap.
Densaýlyq saqtaý mınıstrligi ókilderiniń aıtýynsha, tabıǵat qubylysy jıi oryn alatyn aımaqtaǵy adamdardyń qaýipsizdigin qamtamasyz etý qajet.
Ońtústikamerıkalyq respýblıkanyń Ulttyq meterologııa jáne gıdrologııa qyzmeti turǵyndardy qaýipsizdik sharalaryn saqtap, daýyl men naızaǵaı kezinde aǵashtardyń, tereze men esik tesigi mańynan aýlaq júrip, turmystyq elektrqurylǵylar men uıaly telefondardy óshirýge, qolshatyr paıdalanbaýǵa shaqyrady.
