Perýde narazylyq sharalary jalǵasýda
ASTANA. QazAqparta – Perýdegi narazylyq sharalary kezinde kem degende 20 adam qaza tapty, ondaǵan adam jaraqat aldy jáne kóptegen demonstranttar qamaýǵa alyndy.
Birneshe aımaqta engizilgen komendanttyq saǵat kóteriliske qatysty is boıynsha qamaýǵa alynǵan burynǵy prezıdent Pedro Kastılo jaqtastaryn toqtata almady. Bul týraly QazAqparat euronews-ke silteme jasap habarlaıdy.
Qaýipsizdik kúshteri kóshege shyqqandardy qatań jazalaýda. Perý ombýdsmeni qarýly kúshter men polıtsııany konstıtýtsııa men zańǵa sáıkes áreket etýge shaqyrdy.
«Men basqaratyn ótpeli úkimet zańdy túrde daýys kótergen mıllıondaǵan perýlyqtardyń talaptaryn túsinedi jáne tyńdaıdy», - dedi Perý memleketi basshysynyń mindetin atqarýshy Dına Bolýarte.
El parlamenti tyǵyryqqa tirelýde. Keıbir depýtattar narazylyqty basý úshin prezıdent saılaýyn 2023 jylǵa aýystyrýdy usyndy, biraq bul usynysty Parlament quptaǵan joq.
Foto: .euronews.com
