Perýde match kezinde fýtbolshyǵa jaı tústi
ASTANA. QazAqparat - Perýdiń «Sport Akkýıla» klýbynyń fýtbolshysy naızaǵaıdan zardap shekti. Bul týraly Lenta.ru habarlady.
Oqıǵa Perý kýbogi úshin «Fýerza Mınera» komandasyna qarsy match kezinde oryn aldy. Ekinshi taım bastalar aldynda jańbyr jaýyp, kún kúrkireı bastaǵan. Naızaǵaı jarqyldap, ol tikeleı Joao Kontrerasqa túsken.
Oıyn toqtatylyp, zardap shekken fýtbolıst aýrýhanaǵa jetkizildi. Sportshynyń jaǵdaıy aýyr. Dárigerler onyń aıaǵyn úshinshi dárejeli kúıik shalǵanyn tirkedi.
Basylymnyń málimetteri boıynsha, Kontrerastan basqa, jaı otynan jaqyn mańda bolǵan Abraam Loaıza men fýtbolıst Hýlıo Rıos japa shekti.
