Perýde kólik apatynan 20 adam qaza tapty
ASTANA. 1 maýsym. QazAqparat - Perýde kólik apatynan 20 adam qaza tapty, dep habarlaıdy Newsru.com.
Habarlama boıynsha, Perý astanasynan Aıakýcho qalasyna bet alǵan jolaýshylar avtobýsy aýdarylyp túsken. Onnan asa adam ár túrli dárejedegi dene jaraqatyn aldy. Avtobýsta barlyǵy 66 adam bolǵan, dep málimet beredi ITAR-TASS. Oqıǵa sebebi anyqtalýda.
Aman qalǵan jolaýshylardyń aıtýynsha, Aıakýcho qalasyna bir saǵat ýaqyt qalǵanda jolǵa qandaı da bir janýar júgirip shyqqan kórinedi. Qaqtyǵysyp qalmaýdy oılaǵan júrgizýshi róldi birden buryp qalady da, kólik aýdarylyp ketedi. Sonymen birge kóptegen jolaýshylar avtobýstyń joǵary jyldamdyqpen júrgenin atap ótýde.
