Perýde avtobýs quzǵa qulap, 20-dan astam adam qaza tapty
ASTANA. QazAqparat - Jol apaty eldiń ońtústik-shyǵysyndaǵy Chýmbıvılkas provıntsııasynda bolǵan. Perý joldarynyń birinde kele jatqan jolaýshylar avtobýsy quzǵa qulap ketken, dep habarlaıdy QazAqparat jergilikti Canaln telearnasyna silteme jasap.
Telearna taratqan málimetke qaraǵanda, jol-kólik oqıǵasy dúısenbi kúni keshke bolǵan. Bastapqyda 7 adamnyń qaıtys bolǵany jaıly aıtylǵan edi. Búgin qurbandar sany 23-ten asty. Avtobýs Chýmbıvılkas provıntsııasynyń taýly aımaǵyndaǵy jolda kele jatyp, quzǵa qulaǵan. Quzdyń osy mańdaǵy tereńdigi - shamamen 200 metr.
Aldyn ala aqparat boıynsha, jol apatyna avtobýstyń basqa kólikpen soqtyǵysýy sebep bolǵan. Atalǵan kólik avtobýs qulap ketken soń oqıǵa ornynan ketip qalǵan. Tergeý jumystary jalǵasýda.
Foto: Global Look Press
