Perýde avtobýs quzdan qulap, 20-dan astam jolaýshy qaza tapty

ASTANA. QazAqparat - Perýdegi Panamerıkan tas jolynyń Pasamaıo aýdanynda avtobýs quzdan qulap ketti. Apattan keminde 25-ten astam adam qaza tapty, dep habarlaıdy reseılik TASS agenttigi.

«Bizdiń qolymyzda naqty málimetter joq, alaıda qaza tapqandardyń sany 25-ten asyp ketti», dep málim etti jergilikti telearnaǵa perýandyq polıtsııa ókili Dıno Eskýdero.

Telekanaldyń keltirgen málimeti boıynsha, avtobýsta 50-ge jýyq jolaýshy bolǵan.

Bılik qaıǵyly oqıǵanyń mán-jaıyn anyqtaý úshin tergeý júrgizýde. Bastapqy boljam boıynsha apatqa avtobýstyń basqa kólikpen soqtyǵysýy sebepshi bolǵan.