Perýde aýyr atletıkadan Álem chempıonaty bastaldy
ALMATY. 4 mamyr. QazAqparat - Búgin Perýdiń astanasy Lıma qalasynda aýyr atletıkadan jastar arasynda Álem chempıonaty bastaldy. Dúnıejúzilik jarys boıjetkender arasynda 19-shy, al bozbalalar arasynda 39-shy ret ótkizilip otyr. Oǵan 52 elden erler arasynda 8 salmaq dárejesi boıynsha - 145, áıelder arasynda 7 salmaq dárejesi boıynsha 100 atlet qatysýda.
Oǵan AQSh, Vengrııa, Meksıka men Perý tolyq qurammen qatysyp jatsa, Reseı - 14, Túrkııa - 12 sportshy qosyp otyr. Al Qazaqstan bul jarysqa tek qyzdar arasynda 3 úmitkerin ǵana úkilep qospaq. Olar Karına Gorıcheva (63 kg), Jazıra Japparqul (69 kg) men Anastasııa Shvabaýer (75 kg). Onda birinshi bolyp 7 mamyr kúni Karına, 8-i kúni Jazıra, al 9-y kúni Anastasııa óner kórsetetin bolady.
Jalpy qazir 63 kelide jastar arasyndaǵy álemdik rekord serpe kóterýde (115 kg) jáne qosaıysta (250 kg) reseılik Svetlana Tsarýkaevaǵa, julqa kóterýde (136 kg) KHDR sportshysy Pok Hıang Joǵa (Pok Hyang Jo) tıesili. Osy arada sondaı-aq, bul salmaqta jasóspirimder arasyndaǵy Álem rekordy julqa kóterýde (143) qazaqstandyq Maıa Manezanyń enshisine tıgenin aıtqa ketken jón shyǵar. 69 kelide reseılik Oksana Slıvenko serpe kóterýde 123 kelimen, Zarema Kasaeva julqa kóterýde 157 kelimen, qytaılyq Shýnhong Lııý (Chunhong Liu) qossaıysta 175 kelimen úzdikter kóshin bastaýda. Sondaı-aq 75 kelide reseılik Natalııa Zabolotnaıa serpe kóterýde (130 kg), qazaqstandyq Svetlana Podobedova qossaıysta (286 kg), qytaılyq Shýnhong Lııý julqa kóterýde (159 kg) álem rekordynyń ıesi bolyp otyr.
