Perýde amerıkalyq alpınıstiń denesi 22 jyldan keıin tabyldy

ASTANA. KAZINFORM – Eki amerıkalyq alpınıst 22 jyl buryn Perýdegi And taýlarynda qar kóshkini saldarynan joǵalyp ketken er adamnyń denesin tapty, dep habarlaıdy CNN.

Aǵaıyndy Raıan Kýper men Ýeslı Ýorren Bıll Stampfldyń denesin 27 maýsymda Ýaskaran taýynan tapty. 

Alpınıster er adamnyń denesin Perýdegi Kordılera-Blankanyń 6 768 metrlik shyńyna barar jolda, shamamen 5 030 metr bıiktikte tapty.

Kýper CNN-ge landshaftqa sáıkes kelmeıtin nysandy baıqaǵanyn jáne ony zertteýge sheshim qabyldaǵanyn aıtqan. Onyń aıtýynsha, Stampldyń denesi men zattary, sonyń ishinde neke saqınasy, dýlyǵa, alpınıstik etik jáne kúrteshesi muz arasynda jaqsy saqtalǵan. 

Aǵaıyndylar amerıkalyq alpınısti denesine bekitilgen sómke arqyly anyqtaı aldy, onyń ishinde onyń jeke kýáligi, kamerasy, tólqujaty, ámııan jáne kózildirigi – bári de bútin bolǵan. 

"Bireý ony jaqsy kórdi jáne onyń úıge oralýyn qalady. Men onyń amerıkalyq alpınıst ekenin bilgende, biz onyń otbasyn taýyp, olarǵa jańalyqty habarlaýymyz kerek ekenin túsindim», - dedi Kýper.

Stampfl jáne onyń eki alpınıst dosy Stıv Erskın men Mettıý Rıchardson 2002 jyly 24 maýsymda Ýaskaran taýynda qaza tapty, dep habarlady qyzy Djennıfer Stampfl.

Sol kezde Erskınniń denesi ǵana tabyldy, dedi ol. Stampfl qaza bolǵan kezde 58 jasta edi.

Onyń denesi 5 shildede taýdan túsirildi.

AQSh Memlekettik departamenti AQSh azamatynyń Perýde qaıtys bolǵanyn rastady.