Perýde 9 mln jyl buryn tirshilik etken akýlanyń súıekteri tabyldy
ASTANA. KAZINFORM – Onyń tisteriniń uzyndyǵy 8,9 sm-ge jetken, dep habarlaıdy Reuters.
Perýdegi paleontologtar dúısenbi kúni shamamen 9 mıllıon jyl buryn Ońtústik Tynyq muhıtynyń sýlarynda tirshilik etken úlken aq akýlanyń «týysynyń» súıekterin tanystyrdy.
Cosmopolitodus hastalis tolyqtaı derlik saqtalǵan tasnusqasy Lımadan ońtústikke qaraı 235 km jerde ejelgi teńiz túrleri jıi kezdesetin Pısko basseıninen tabyldy. Bul akýla qazirgi aq akýlanyń arǵy atasy bolǵan dep sanalady.
Qazir bul túr joıyldy, biraq onyń tisteriniń uzyndyǵy bir kezderi 8,9 sm-ge jetti, al eresek daralarynyń uzyndyǵy 7 metrge deıin jetti.
- Akýlanyń tolyǵymen saqtalǵan qaldyqtary álemde óte sırek kezdesedi, - dep atap ótti paleontolog Marıo Ýrbına.
Ol akýlanyń asqazanynan maıshabaq tuqymdas balyqtardyń tabylǵanyn qosa aıtty.
Ýrbınanyń atap ótýinshe, akýlalar ashyq teńizder men muhıttarda júzgen kezde maıshabaq tuqymdas balyq teńiz jyrtqyshtarynyń negizgi azyǵy bolǵan.