Perýashev fraktsııa depýtattarynyń sanyn arttyrýdy usyndy
ASTANA. QazAqparat - QR Parlamenti Májilisiniń depýtaty Azat Perýashev fraktsııa depýtattarynyń sanyn arttyrý qajettigin aıtty, dep habarlaıdy QazAqparat.
«Men qospartııalyq júıeni qoldaımyn. Menińshe, áleýmettik-ekonomıkalyq damý turǵysynda kóppartııaly emes, ıaǵnı Amerıka, Ulybrıtanııadaǵy sekildi ekipartııaly júıe ońtaıly bolmaq»,-dedi Perýashev Májilistiń jalpy otyrysynan keıin memlekettik bılik tarmaqtary arasynda ókilettikti qaıta bólý máselesine qatysty aıtqan pikirinde.
Osy oraıda depýtat qazirgi fraktsııalarda ókilderdiń sanyn arttyrý qajettigin jetkizdi.
«Meniń oıymsha, fraktsııa depýtattarynyń fýnktsııasyn, quqyǵyn jáne sanyn arttyrý qajet. Bul rette ońtaıly nátıje bolady dep paıymdaımyn»,-dedi Perýashev.
Aqordanyń baspasóz qyzmetiniń habarlaýynsha, QR Prezıdenti Nursultan Nazarbaev Memlekettik bılik tarmaqtary arasynda ókilettikterdi qaıta bólý máseleleri jónindegi jumys tobynyń otyrysyna qatysty.
Elbasy otyrysta memlekettik bıliktiń tarmaqtary arasynda ókilettikterdi qaıta bólý máselesi respýblıka damýynyń júıeli jáne zańdy kezeńi bolyp tabylatynyn atap ótti.
