Perý turǵyndarynan qoǵamdyq oryndarǵa baratyn kezde eki maska taǵý talap etiledi
NUR-SULTAN. QazAqparat - Úndistan astanasy Nıý-Delı bıligi koronavırýstyń taralýyna baılanysty qatań shekteýlerdi taǵy bir aptaǵa ıaǵnı, osy jyldyń mamyr aıynyń 3-ne deıin uzartý týraly sheshim qabyldady.
Bul týraly QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap habarlaıdy.
Lokdaýn Nıý-Delıge 19 sáýir kúni keshke engizilgen bolatyn. Jeke kompanııalardyń barlyq qyzmetkerleri tek úıden jumys isteý rejımine aýystyryldy. Tek memlekettik mekemeler men «negizgi qyzmet kórsetýshiler» ádettegideı jumysyn jalǵastyra beredi. Azyq-túlik dúkenderi men dárihanalar ashyq. Azyq-túlik ónimderin jáne qajetti taýarlardy úıge jetkizýge de ruqsat etiledi.
26 sáýirden bastap Perý turǵyndary dúkenderge, bazarlarǵa, saýda ortalyqtaryna, dárihanalarǵa jáne basqa da adamdar kóp jınalatyn oryndarǵa barǵan kezde bir ýaqytta koronavırýstan qorǵaý úshin eki maskany qatar kııýleri tıis. Sonymen qatar, kózdiń shyryshty qabyǵyn qorǵaý úshin arnaıy móldir ekrandy qoldaný da talap etiledi.
Italııa bıligi koronavırýs mýtatsııasyna baılanysty sońǵy eki aptasyn Úndistanda ótkizgenderdiń elge kirýin toqtatty. Bul týraly Densaýlyq saqtaý mınıstri Roberto Sperantsa habarlady.
«Italııada turaqty turatyn adamdar mindetti túrde karantınde bolyp, Úndistannan shyqqan kezde jáne Italııaǵa kirer kezde test tapsyryp, orala alady. Sońǵy 14 kúnde Úndistanda bolǵan jáne bizdiń elde júrgenderdiń bári aýrýdyń aldyn alý qyzmetterine habarlasyp, test tapsyrýlary kerek», - dedi Sperantsa.
Kosta-Rıka bıligi aýrýhanalarda COVID-19 juqtyrǵan patsıentterge arnalǵan oryn tapshylyǵy qaýpine alańdaýly.
«Mundaı naýqastarǵa bólingen tósek oryndardyń 94% reanımatsııa bólimshelerinde jumys isteıdi», dep habarlady Densaýlyq saqtaý mınıstrligi.
Ortalyq Amerıka Respýblıkasynyń bıligi ınfektsııanyń taralýyn boldyrmaý maqsatynda jergilikti ýaqyt boıynsha 21.00-den 05.00-ge deıin jeke kólikterdiń qozǵalysyna tyıym saldy.
