Perý prezıdenti Dına Bolýarte bılikten ketýge daıyn

ASTANAa.QazAqparat - Perý prezıdenti eki aıǵa jýyq ýaqyt boıy eldi dúr silkindirgen ereýilshilerdi bitimge kelýge shaqyrǵannan keıin myńdaǵan adam Lıma kóshelerine shyqty, dep habarlaıdy QazAqparat Euronews-ke silteme jasap.

Dına Bolýarteniń aıtýynsha, esirtki saýdagerleri men kontrabandashylar ózderiniń saıası maqsattaryn júzege asyrý úshin elde «haos» týdyrý maqsatynda «áskerı kúshterdi» uıymdastyrǵan.

Sonymen qatar Dına Bolýarte merziminen buryn saılaý kúni taǵaıyndalǵannan keıin otstavkaǵa ketýge nıetti ekenin aıtty.

«Men qyzmetke kirisken alǵashqy mınýttan bastap Kongrespen bitimge kelýge shaqyrdym. Endi dıalog quryp, ár aımaqtyń kún tártibin anyqtaý úshin súıikti elimdi ulttyq bitimgershilikke shaqyramyn», - dedi Dına Bolýarte.

Perýdegi narazylyqtar jeltoqsannyń basynda eldiń burynǵy prezıdenti Pedro Kastılo qamaýǵa alynǵannan keıin bastaldy.

Narazylyq bildirýshiler onyń ornyna kelgen Dına Bolýarteniń otstavkaǵa ketýin, parlamentti taratýdy, bıyl jalpy saılaý ótkizýdi jáne konstıtýtsııalyq assambleıany shaqyrýdy talap etip otyr.

Osy ýaqyt aralyǵynda 50-den astam adam quqyq qorǵaý organdarymen qaqtyǵystyń qurbany boldy.

Buǵan deıin Hýlıaka qalasyndaǵy úkimetke qarsy narazylyq sherýlerinde kem degende 17 adam qaza taýyp, 52 adam zardap shekkeni habarlanǵan bolatyn. Perý prezıdenti eldegi sherýlerge sheteldik arandatýshylardyń qatysy bar ekenin málimdedi. Perýdiń birneshe aımaǵynda tótenshe jaǵdaı rejımi jarııalanǵan.

Foto: xeber.media