Perý bıligi barlaý qyzmeti burynǵy basshysynyń baǵaly buıymdaryn satýǵa qoımaq
ASTANA. QazAqparat - Perý úkimeti burynǵy barlaý qyzmetiniń basshysy Vladımıro Montesınostan tárkilengen altyn saǵat pen basqa da baǵaly buıymdardy aýktsıonǵa satýǵa qoıady, dep habarlady Bı-bı-sı.
Sybaılas jemqorlyq jasaǵany jáne adam quqyqtaryn buzǵany úshin aıyptalyp, uzaq merzimge sottalǵan Montesınos qazir túrmede jazasyn óteýde.
Perýandyq bılik satylymǵa túsken 152 zergerlik buıymdardan eń kem degende 1 mln. dollar qarjy túsedi degen boljam jasap otyr.
69 jasqa tolǵan Montesınos 2000 jyly Perýde prezıdent Alberto Fýhımorıdiń otstavkaǵa ketýimen aıaqtalǵan, sybaılas jemqorlyqqa baılanysty týyndaǵan janjaldan keıin qashyp ketken. Alaıda bir jyldan keıin ol tutqynǵa alyndy. Bássaýda 18 jáne 19 tamyzda Perýdyń astanasy Lımada ádilet jáne adam quqyqtary mınıstrliginiń ǵımaratynda ótedi.
