Perý bıligi narazylyq sharalary aıasynda tótenshe jaǵdaı jarııalaýǵa sheshim qabyldady

ASTANA.KAZINFORM - Perýde memleket basshysyna ımpıchment jarııalanǵannan keıin úkimetke qarsy sherýler áli jalǵasyp jatyr, dep habarlaıdy VVS.

- Biz eń bolmaǵanda astanalyq aımaqta tótenshe jaǵdaı jarııalaý týraly sheshim qabyldaımyz, - dedi Perý premer-mınıstri Ernesto Alvares.

Lımadaǵy úkimetke qarsy sherýshiler men polıtsııa arasyndaǵy qaqtyǵys saldarynan 32 jastaǵy er adam qaza taýyp, 100-den astam adam jaraqat aldy, olardyń kópshiligi polıtsııa qyzmetkerleri.

Sársenbi kúngi sherýlerdi negizinen jas belsendiler úkimetten qylmys pen sybaılas jemqorlyqpen kúresý úshin belsendi áreket etýdi talap etip uıymdastyrdy.

Kóptegen Perý prezıdentteri sybaılas jemqorlyq pen biliksizdigi týraly aıyptaýlarǵa baılanysty qyzmetinen shettetildi. Elde prezıdenttik pen Kongress arasyndaǵy kelispeýshilikter jıi týyndaıdy, óıtkeni Perý konstıtýtsııasy parlamentke prezıdentti «moraldyq qabiletsiz» degen aıyppen qyzmetinen bosatýǵa quqyq beredi. Bul túsiniksiz termındi bılik úshin kúresý úshin qoldanýǵa bolady.

Buǵan deıin Perýde keıingi 10 jylda jetinshi prezıdent aýysqanyn habarlaǵan edik.