Perm ýnıversıtetindegi atys: qaza tapqandar sany 8 adamǵa jetti

MÁSKEÝ. TASS-QazAqparat – Reseıdiń Perm memlekettik ulttyq zertteý ýnıversıtetinde atys saldarynan qaza bolǵandar sany 8 adamǵa jetti. Bul týraly QazAqparat TASS agenttigine silteme jasap habarlaıdy.

«Atys saldarynan segiz adam qaza taýyp, taǵy birnesheýi zardap shekken», - dep naqtylady agenttik súıengen derekkóz.

Vedomstvo málimetinshe, ýnıversıtet aýmaǵynda oq jaýdyrǵan – stýdent. Onyń esimi anyqtaldy. Ustaý kezinde qarsylyq tanytqan ol jaraqat aldy.

Atys faktisi boıynsha eki jáne odan kóp adamdy óltirý babymen qylmystyq is qozǵaldy. Onyń Tergeý komıtetiniń ortalyq apparaty tergeıtin bolady.

Aımaq prokýratýrasynyń habarlaýynsha, oqıǵa ornyna Perm ólkesiniń prokýrory Pavel Býhtoıarov attandy. Ol atys bolǵan jerde tekserý júrgizip jatqan quqyqqorǵaý jáne basqa vedomstvolardyń jumysyn úılestirip, qadaǵalaıdy.