Perm shahtasyndaǵy órt: Segiz adamnyń denesi tabyldy
PERMЬ. QazAqparat - Reseıdiń Perm ólkesinde apat bolǵan Solıkamsk shahtasynan segiz adamnyń denesi tabyldy, dep habarlaıdy QazAqparat TASS agenttigine silteme jasap.
«Birinshi deńgeıde qutqarýshylar - eki adamnyń, ekinshi jáne úshinshi deńgeıde taǵy alty adamnyń denelerin tapty», - dep málim etti Perm ólkesi úkimetiniń baspasóz qyzmetinen.
Barlyǵy shahtada toǵyz adam qalyp qoıǵan bolatyn.
Baspasóz qyzmeti qutqarýshylar jer astyna túsýge taǵy ázirlenip jatqanyn jetkizdi. Shahtadaǵy jekelegen órt oshaqtaryn joıý jumystary áli de jalǵasýda.
Eske salaıyq, senbi, 22 jeltoqsan kúni máskeý ýaqytymen shamamen saǵat 10.04-te «Ýralkalıı» kompanııasynyń Solıkamsk shahtasynda órt shyqty. Barlyǵy kenishte 17 adam jumys istep jatqan. Olardyń segizi jer betine din aman shyǵa aldy.
