Perm qalasynda túngi klýbta bolǵan jarylystyń saldarynan 102 adam mert bolyp, 138 adam jaralandy
ASTANA. Jeltoqsannyń 5-i. QazAqparat - Búgin túnde Reseıdiń Per qalasyndaǵy túngi klýbtardyń birinshe qýatty jarylys bolyp, oqıǵa saldarynan 102 adam qaza tapty. Taǵy 138 adam túrli jaraqat aldy,
dep habarlaıdy RBK agenttigi.
RF Tótenshe jaǵdaılar mınıstrliginiń Perm ólkesi boıynsha Bas basqarmasynan habarlaǵandaı, zardap shekkenderdiń kóbisi kúıik jáne bas súıek jaraqattarymen aýrýhanaǵa túsken. Dárigerler olardyń jartysynan astamynyń jaǵdaıyn óte aýyr dep baǵalap otyr.
Jarylys jergilikti ýaqyt saǵat 1.00-lerde (máskeý ýaqyty boıynsha 23.00) Kýıbyshev kóshesindegi «Hromaıa loshad» túngi klýbynda bolǵan. Klýbtaǵy adamdar merekelik keshti toılap jatqan.
Oqıǵa kezinde klýbta qansha adamnyń bolǵany týraly ázirge málimet joq. Shamamen 250 adam bolǵan degen málimet bar. Biraq, ǵımarattaǵy adamdardyń sany odan 1,5-2 ese kóp bolýy da múmkin. Qalanyń ortalyǵynda ornalasqan klýb-meıramhanaǵa 450 adam sııady.
Keıbir málimetter boıynsha, qaıǵyly oqıǵa jabyq jaıda paıdalanýǵa tyıym salynǵan otshashýlardy ushyrýdyń saldarynan oryn alǵan. Sonyń saldarynan órt bastalyp, adamdar ǵımarattan shyǵyp úlgermegen. Oǵan qosa, shyǵaberiste úlken keptelek bolyp, adamdardyń kóbisi sol jerde mert bolǵan.
400 sharshy metrdeı aýdanǵa jaıylǵan órt 3 saǵattan keıin aýyzdyqtalǵan. Oqıǵa ornynda tergeýshiler toby jumys isteýde. Fakti boıynsha RF Qylmystyq kodeksiniń 219-shy baby 3-shi tarmaǵy boıynsha qylmystyq is qozǵaldy.
Reseı Prezıdenti Dmıtrıı Medvedev Premer-mınıstr Vladımır Pýtınge, Tótenshe jaǵdaılar mınıstri Sergeı Shoıgý men Bas prokýror ıÝrıı Chaıkaǵa oqıǵanyń mán-jaıyn egjeı-tegjeı tekserý jáne zardap shekkenderge qoldan kelgen kómekti kórsetý týraly tapsyrma berdi.
