Permdegi shahtada órt shyǵyp, 9 shahter jer astynda qalyp qoıdy
SOLIKAMSK. QazAqparat - Perm ólkesindegi Solıkamsk shahtasynan órt shyqty. Bul týraly tótenshe jaǵdaılar qyzmetine silteme jasap, TASS habarlady.
«Órt 340 metr tereńdikte oryn alǵan. Segiz adam jer betine shyǵaryldy. Taǵy toǵyz adam shahtada qalyp qoıdy», - dep málim etti derekkóz. Qazir órt sóndirilip jatyr.
Joǵary temperatýra men qoıý tútin qutqarýshylardy ótkizbeı, qoldaryn jipsiz baılap otyr.
Derekkózdiń aıtýynsha, shahtany qoıý tútin jaılaǵan. Órt tutanǵan kezde shahtada betondaý jumysy júrip jatqan, onymen merdiger uıym aınalysqan eken. Novosibirlik qutqarýshylar órtke baılanysty saqadaı-saı tur.
Derekkózdiń sózinshe, tótenshe oqıǵa ornyna Reseı TJQ kúsh-quraldary tegis jumyldyrylǵan. Sonymen birge, úsh psıhologtan quralǵan brıgada kelip jetti. Perm apattyq medıtsına aýmaqtyq ortalyǵynyń dárigerleri men Perm ólkelik qutqarý qyzmetiniń sanavıatsııa bólimshesi, jedel járdem brıgadalary da osynda.
