Permdegi órt qurbandarynyń sany 113-ke deıin ósti, qalada opat bolǵandar jerlenýde
MÁSKEÝ. Qyrkúıektiń 7-si. QazAqparat - Permdegi «Aqsaq at» túngi klýbynda bolǵan órt qurbandarynyń sany 113-ke deıin ósti - dúısenbi kúni tańerteń aýrýhanalarda bir boıjetken men bir er adam kóz jumdy,
dep habarlaıdy QazAqparat RIA «Novostı» agenttigine silteme jasap.
Búkilreseılik qaraly kúni Permde opat bolǵandar jerlenýde.
Órt saldarynan 120-dan astam adam zardap shekti. Permniń aýrýhanalarynda 21 zardap shegýshi qalyp otyr; Máskeýde, Peterborda jáne Chelábide dárigerler 91 adamǵa kómek kórsetýde. 70-ke jýyq zardap shegýshi ókpeni jasandy jeldetý apparatyna qosylǵan. RF Densaýlyq saqtaý jáne halyqty áleýmettik qorǵaý mınıstrliginiń derekteri boıynsha qazirgi sátte 28 aýrý asa aýyr kúıde qalyp otyr.
